Tura, Kyllalyngkot 18 : Ka East Khasi Hills kala bteng ban bat iaka kyrdan kaba nyngkong ha ka jingioh khur bun tam ia ka Takma Ksiar ha ka Meghalaya Games haduh hynne ka sngi Palei bad haduh mynta ka EKH kala ioh khur 247 tylli ki takma kiba kynthup 92 tylli ki Takma Ksiar, 71 tylli ki Takma Rupa bad 84 tylli ki Takma Rnong.
Ka West Jaintia Hills kala ioh khur 44 tylli ki Takma, kiba kynthup 17 tylli ki Takma Ksiar, 12 tylli ki Takma Rnong bad 15 tylli ki Takma Rnong, katba ka Ri Bhoi District ruh kala ioh khur 47 tylli ki Takma kata 12 tylli ki Takma Ksiar, 13 tylli ki Takma Rupa bad 22 tylli ki Takma Rnong.
Ka WGH kala ioh khur 10 tylli ki Takma Ksiar, 10 tylli ki Takma Rupa bad 22 tylli ki Takma Rnong, ka South West Khasi Hills kala ioh khur 8 tylli ki Takma Ksiar, 12 tylli ki Takma Rupa bad 12 tylli ki Takma Rnong, katba ka East Jaintia Hills kala khur 5 tylli ki Takma Ksiar, 7 tylli ki Takma Rupa bad 8 tylli ki Takma Rnong.
Ka West Khasi Hills kala ioh khur 4 tylli ki Takma Ksiar, 14 tylli ki Takma Rupa bad 14 tylli ki Takma Rnong, katba ka Eastern West Khasi Hills kala ioh 4 tylli ki Takma Ksiar, 7 tylli ki Takma Rupa bad 7 tylli ki Takma Rnong, ka North Garo Hills kala ioh 3 tylli ki Takma Ksiar bad 4 tylli ki Takma Rnong.
Ka East Garo Hills kala ioh 1 ka Takma Ksiar, 2 tylli ki Takma Rupa bad 15 tylli ki Takma Rnong, katba ka South West Garo Hills kala ioh 1 ka Takma Ksiar bad 1 ka Takma Rupa bad ka South Garo Hills kala ioh 1 ka Takma Rupa bad 2 tylli ki Takma Rnong.
