spot_img

Iaroh ka BJP ia ka Waqf Amendment Bill ba iada ia ki jaka 6th Schedule

Date:

Share post:

Shillong, Iaiong 03 : Ka BJP-Meghalaya ha ka sngi Palei kala iaroh ia ka Waqf Amendment Bill bad ai khublei ia ka Sorkar Pdeng ba ialam da u Narendra Modi bad kumjuh ia baroh ki paralok NDA halor ka jingmynjur ia kane ka Bill ha Lok Sabha.

Ka BJP Meghalaya ka pdiang ia ka jingpynrung ia ka kyndon ba ong ba ym dei ban pynbna ne khein kum ki nongkynti Waqf ia kano kano ka jaka jong ki riewlum kat kum ka Fifth Schedule bad Sixth Schedule jong ka Riti Synshar ka Ri.

Advertisement

U Bah Wankitbok Pohshna, State General Secretary ka BJP Meghalaya ual ong “Sa shisien la pynshi sha biang ba tang ka Sorkar NDA ba ialam da ka BJP kaba lah ban iada ia ka hok ki ritpaid bad ki paidriewlum jong kane ka Ri.

Ula ong “Kane ka kyndon ha ka Ain, ka pynthikna ba kino kino ki jaka hapoh ka jylla jong ngi ba la kdup da ka Sixth Schedule kin dei kiba iada na ka jingkyntur ka Waqf. Ka dei ia kaban lehkmen da baroh ha Meghalaya”.

“Ka long kaba donkam ban kynmaw ba haba sdang jong kane ka taiew, ka Catholic Bishop Conference of India kala mih ban kyrshan ia ka Waqf Amendment Bill bad kyntu ia ki seng sain pyrthei ba kin shim ïa ka rukom treikam kaba khlem shah liang bad kaba tei halor kane ka mat” ula ong.

“Hynrei kito kiba pyrshah ia ka Waqf Bill ki dei kibym khein snep ia ka sur jong ki ritpaid haba kam ialade ba ki dei ki champion ha ka hok ki ritpaid. Kum kine ki buit thok kaba thmu ban pynphriang ia ki jingtip ba bakla khlem ka jingpyrwa bad leh bym hok ka lah ban bteng hynrei kam don jaka satia hapoh ka jinglong nongialam u Myntri Rangbah Duh Narendra Modi” ula bynrap.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...