Shillong, K’lyngkot 22 : Ka Mawlai Town Dorbar (MTD) bad ki Kyrtong ban iakhun ia ka elekshon MDC, kila shim ia ka Rai ban pynlong beit noh tang da ki Common Platform ha ka jingialap elekshon ha manla ki Shnong ka Mawlai.
Ia kane ka rai la shim ha ka jingialang ka MTD bad ki Kyrtong kiba lah dep pynbna ban iakhun ia ka elekshon, kaba long hynne ka sngi Balang ha Mawlai Kynton Massar.
U Secretary ka MTD bah Marco Mitri haba iakren bad ka Shlem, ula pyntip ba kine ki Common Platform kin long ha baroh ki Shnong ka Mawlai.
Ula pyntip ba ka rai lang bad ki Kyrtong ka long ba ki Kyrtong ne ki Political party kin nym pynlong shuh ia ki Public meeting kumba ju long ha man ki elekshon.
“Ka MTD bad ki Kyrtong ngi sngew ba ngin nym pynlong tamasa ia kane ka elekshon ban wan” ong u Bah Mitri.
Haba batai ia ka nongrim jong kane ka jingshim rai, ula ong “Ka nongrim ka long ba ngim kwah pynthut ia ki Khynnah ki ba ialeh ia ki eksamin bapher bapher”.
Haba kylli, ula iathuh ba wat ha kine ki Common Platform yn ym shah ruh ia ki riew paidbah ba kin iarah lama sha ki jingialang lait noh tang u Kyrtong shimet.
“Tang u kyrtong ba lah ban rah lama sha ki jingialang” ula ong.
U Bah Marco ula iathuh ruh ha kine ki jingialang Commom Platform, ki nongkren kin dei beit tang ki Kyrtong bad yn pyniaid ia ki jingialang da ki Rangbah Shnong bad Secretary Shnong.
 bad ki Kyrtong ban iakhun ia ka elekshon MDC, kila shim ia ka Rai ban pynlong beit noh tang da ki Common Platform ha ka jingialap elekshon ha manla ki Shnong ka Mawlai.){kind=link}