Yn shongbishar ka iingkashari Bangladesh halor ki 10 trok ki tiar siat ka ULFA ba ioh kurup

Date:

Share post:

Guwahati, Naitung 23: Ka kynhun ki nongbishar jong ka iingbishar High Court ka Bangladesh ka ba kynthup ia u Justice Shahidul Karim bad ka Fatima Najib ha kane ka sngi Balang ba la lah ki la pynbna ban pynsngew ia ka rai halor ka case ka ba iadei bad ka jingioh kurup ia 10 trok ki tiar iapom jong ka kynhun seng lehnoh ULFA ha ka 18 tarik u bnai Risaw u ban wan.

Ki nongbishar ka Supreme Court bad High Court ka Bangladesh ki la buh ia ka tarik ban pynsngew halor kane ka jingshalan tuh ia ki 10 trok ki tiar iapom ba la ioh kurup na Chittagong Urea Fertiliser Ltd jetty ha Chittagong.

Ia kine ki 10 tylli ki tylli ki trok ki ba dap da ki tiar iapom la ioh kurup ha ka 2 tarik u bnai Iaiong 2004, kata wat hadien ka jingsuba halor ka jingpyrshang banbor na ki ba bun ki liang na ka bynta ka jingioh rung suk jong kine ki tiar shapoh ka ktem jong ka ULFA ha ryngkat ka jingiadon lang u nongialam jong kane ka kynhun u Paresh Barua , kata ha ka por jong ka sorkar synrop Nationalist Party-Jamaat ka Bangladesh.

Halor kane ka jingjia 13 ngut ki briew ka ba kynthup ia u heh nongialam ka kynhun seng lehnoh Jammat bad u Myntri ka tnat Industries ka Bangladesh ha katei ka por u Matiur Rahman Nizami bad u Myntri kam pohiing ha katei ka por u Lutfozzaman Babar ki la shah rai pyniap namar ka jingdonkti ha ka ba shalan ia kine ki 10 trok ki tiar iapom.

Ia kine ki trok la ioh kurup na Chittagong Urea Fertiliser Ltd hajan ka wah Karnaphuli katba ki dang thmu ban pynpoi ia kine ki tiar iapom sha ka kynhun seng lehnoh ULFA.
Haduh kumba 4,930 tylli ki tiar siat bapher bapher, 840 tylli ki rocket launcher, 300 tylli ki roket, 27,020 ki bom grenade, 2,000 ki grenade-launching tubes, 6,392 ki magazine bad 11.41 million ki kuli la ioh ban kurup.

Ka iingbishar ba kyrpang ha Chittagong ka la pynbna da ka rai pyniap pyrshah ia u Tareq Rahman u ba dei u khun jong ka Myntri Rangbahduh (PM) barim ka Khaleda Zia, u Matiur Rahman Nizami, u nongialam ka Jamaat u Ali Ahsan Muzahid, Lutfuzzaman Babar bad u heh jong ki artylli ki tnat syntiat ha katei ka por, u Brigadier General (retd) Abdur Rahim bad u Major General (retd) Rezzakul Haidar Chy.

Ka iingbishar kan pynbna ruh ia ka rai pynrem pyrshah ia u nongialam ba la phet seng jong ka Bangladesh Nationalist Party uTarique Rahman u ba shong ba sah ha London mynta lah palat shiphew snem kynthih ban lait na ka jingshah pynshitom hadien ka jingshah pynngat ka jong u halor ka kam thombor grenade ka ba la jia ha ka 24 tarik u Nailar 2004 ka ba thmu pyrshah ia ka PM Sheikh Hasina ka ba la ngat ha ka jingmynsaw bad ka jingiap ia ki 30 ngut ki nongialam bad ki nongtrei jong ka Bangladesh Awami League.

Na ka liang u Tareq Zia bad u Lutfuz Zaman Babar ki ba dei ki dkhot ka tnat syntiat ba la shah thong ha ka Inter-Services Intelligence ki la buh ka jingkypad halor katei ka rai pyniap

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...