Nongstoiñ, Nailar 11: Ka Independence Day Run ba la pynïaid da ka District Sports Officer West Khasi Hills Nongstoiñ, kan long ha ka 13 tarik mynta u bnai ha ka por 6 baje mynstep naduh phyllaw DC ophis Nongstoiñ.
Na ka liang ka DSO ka la pyntip ba kane ka jingïakop mareh kaba 10 kilometer kan ailad kylluid ïa baroh kynthei bad shynrang. Kumta kino kino kiba kwah ban ïashimbynta, ki dei ban leit pynbiang ïa ki jing donkam ha ophis DSO Nongstoiñ hapoh ka 12 tarik mynta u bnai hi.
Ka ophis ka la pynkhreh ruh ïa ki khusnam da ka pisa bad syrnod na ka bynta ki nongjop ter ter haduh ka kyrdan kaba hynñiew.
